27/10/10

2ª Declaración do Subcomandante Marcos da Portela



Hoxe dicimos: ¡Non nos rendiremos!
Ao pobo de Ordes:
Irmá(n)s ordenses:

28/09/10

Manifestación en Ordes pola folga xeral ás 11:30



O Sindicato Labrego Galego realizará mañá varias mobilizacións comarcaias, unha delas en Ordes, ás 11.30. Con ela participará na xornada de folga xeral convocada para este mércores 29 de setembro.

23/09/10

Aumenta o curriculum delitivo de Peke da Olympus que mañá toca en Poulo



Mañá toca a Olympus en Poulo, e por se fose pouco, o 29 en Frades e o 31 de outubro en LP45. Non hai quen quite de enriba a estes impresentables. O asunto é xa a polémica do verán, e desde que todo comezara, non deixaron de aumentar e aumentar as razóns para non volver contratar a Olympus en ningunha festa.

21/09/10

Simboloxía fascista no Ghaliñeiro



Hai lectores que levan tempo a pedirnos que tratemos o tema da simboloxía franquista en Ordes, e que mellor ocasión que agora que Ordessiete publica unha entrada sobre o Soldado Lois.

20/09/10

Comezan os movementos de cara ás municipais: fichaxes



Xa están á vista as próximas eleccións municipais, en maio do 2011, e os politiquiños ordenses comezan xa todo tipo de maniobras que lles permitan chupar da teta outros catro anos. Nin que dicir ten, que a política en Ordes non é n confronto de programas, ideas, ideoloxías, etc., senón de personalismos, ambicións, cobizas individuais, etc.

12/09/10

A Cochiqueira dalle 300 euros de premio a Liaño Flores, ex alcalde falangista da Coruña



Seguimos a ver con satisfacción como contades con nós para denunciar atropelos. Esta noticia, como moitas outras, debémoslla a xente que nos informou a través de correo electrónico de cacicadas que nós non coñecíamos. Nesta ocasión trátase do I Concurso de Fotografía Antiga “Cóntame” do Concello de Cerceda.

10/09/10

Novos datos do paro no Ghaliñeiro: ata en agosto aumenta!



No verao é habitual que o paro baixe, dada a demanda de emprego no sector de servizos, especialmente nos relacionados coa hostelería. Aínda así, e co famoso e inexistente “efecto Xacobeo”, o paro continúa a aumentar na comarca de Ordes, especialmente no Ghaliñeiro. Os datos da comarca son os seguintes (non temos os de Mesía):

“Fichaxe” xeneralizada no Ghaliñeiro




Xa anunciaramos hai tempo que iamos tratar este tema no blog porque nos parece especialmente perigoso e preocupante. A profecía de Orwell cumprese a cada día de sobras, e o control social da poboación pasa por riba de leis e dereitos fundamentais das persoas; no Ghaliñeiro a cousa non é distinta, e no pasado pleno do mes de abril aprobouse por unanimidade unha ordenanza reguladora da creación de ficheiros persoais. Nestes ficheiros acumularanse datos da veciñanza en temas como: historial social (bonito eufemismo non?), información á muller, unidade psicosocial, información ás persoas inmigrantes, biblioteca municipal, licenzas urbanísticas, actividades xerais, rexistro xeral e policía local.

09/09/10

Dicionario caciquil: Nel Astray



Seguimos cos deberes que nos marcamos na nosa volta, e desta vez tócalle repaso a Nel Astray, segundo algúns, o autor deste blog.
Nel Astray Mariño é fillo de Manuel Astray Rivas, coñecido avogado de Ordes e historiador local afeccionado. Nel Astray foi militante socialista toda a vida, nunha época no que iso de “socialista” xa significaba outra cousa... En realidade tivo unha época comunista, ardores de xuventude que lle chaman. Astray liderou grandes loitas políticas, nas que o obxectivo foi sempre os seus intereses persoais. Cando Esther Couto era a candidata do PSOE en Ordes (outra da que haberá que falar un día), Astray era o secretario xeral. A relación entre eles era pésima, e marcou un importante capítulo na historia do PSOE de Ordes, que ben podería servir de guión para un culebrón televisivo.

03/09/10

175 persoas en contra de que a Olympus, a orquestra do narcotráfico, veña a Poulo



A campaña lanzada por contra a actuación da Orquesta Olympus na festa do 24 de Poulo (24 de setembro) -polos contidos machistas, homófobos e racistas do seu espectáculo- conseguíu máis de 175 apoios (de persoas e entidades) no Facebook. Entre as persoas que protestan pola actuación desta orquesta cóntanse o concelleiro do BNG Ramiro Recouso Liste, e a deputada cercedense no Parlamento Galego Silvia Fraga do PSOE. Apoian tamén a protesta grupos musicais de Ordes como Kastomä, Chícharo Psicótico, ou a Cona Ye-Ye; e outros de toda Galiza como Avante “Rock da Galiza, Ulträqäns ou Ruxe-Ruxe. Apoian tamén o BNG de Silleda e Melide, o Jogafan Ordes FS, Sporting Koes da Laracha, e outros.

30/08/10

Cochiquí vence no Iº Concurso de Arte Anticaciquil!




Xa temos vencedor do Iº Concurso de Arte Anticaciquil: a obra “Liñares na comedeira” de Cochiquí gañou a votación popular. A clasificación é a seguinte:

Ordes, a túa cidade de vacacións



Canto lle traballa a cabeciña a Regos. Agora meteu o Ghaliñeiro no Programa European Twinning, creado polo Consello e Municipios e Rexións de Europa (CEMR) para que municipios europeos se irmanden, e pretende facerlle crer en Polonia, Italia e Lituania, que Ordes é famoso por o deporte da vela e os seus museos e galerías de arte...

25/08/10

Regos pedirá un préstamo de 2,2 millóns para pagarlle o cuarteliño á Guardia Civil



Insistimos, e moito, no tema da casa cuartel neste blog . En internet 260 persoas apoian a nosa reivindicaciónEn contra de que o concello de Ordes lle regale un cuartel á Guardia Civil”, e o BNG mesmo retou no pleno a Regos a que fixese un referendo para ver se queríamos o cuartel en Ordes. Segundo os nosos cálculos nese momento, os cartos que van fundir en regalarlle o cuartel ao Ministerio de Interior daban para darlle a cada ordense no paro unha axuda nada despreciable de 2.480 euros .

22/08/10

Ordes será, a tumba da Olympus



Así, parafraseando o lema republicano da defensa de Madrid: "Madrid será la tumba del fascismo", iniciamos esta entrada sobre a actuación da Olympus en Ordes, no 15 de agosto. Xa informamos noutro post das súas actitudes racistas e homófobas, pero o tema colleu unha nova dimensión.

20/08/10

Festas patronais de Ordes: raza, curas e tricornios, como no 36



(Foto: Ordessiete)
As festas de Ordes do ano pasado remataron co apoteósico “...y que viiiiva Espaaaña!” de Manolo Escobar, no que parecía un nostálxico revival do franquismo alfredolandiense, co palco da orquestra cheo de fume “rojigualdo”. O nivel estaba alto, pero este ano non foron menos.

17/08/10

Volve o Subcomandante Marcos da Portela con forzas renovadas

Non nos enterredes antes de tempo, só estivemos descansando un pouco para coller impulso! Antes de nada, temos pendente a votación do Concurso de Arte Anticaciquil, que dá inicioi hoxe mesmo, e se pechará no 1º de setembro. Pedímoslle disculpas aos participantes polo inxustificado retraso. Podes votar na enquisa que está na columna da esquerda. As montaxes a concurso son:

Na nosa comarca o aire está contaminado e SOGAMA oculta datos



Esta é a conclusión que se deriva do informe "A calidade do aire en Galicia durante 2009", elaborado por Verdegaia e Ecologistas en Acción. Como quen queira pode consultalo aquí, nós vamos facer só un resumo dos datos que afectan á comarca de Ordes.

20/07/10

#1 "Tropa do carallo",de John Deere



Xa comezan a chegar as primeiras imaxes para o noso concurso. Esta titúlase "Tropa do carallo", e envióunola John Deere.

17/07/10

Iº Concurso de Arte Anticaciquil do Subcomandante Marcos da Portela




Convocamos un concurso no que poderedes enviarnos as vosas caricaturas, debuxos, montaxes de photoshop, etc., con temática anticaciquil. O prazo para que nos enviedes os vosos diseños rematará o 1 de agosto; nese mesmo día abriremos unha enquisa na que os lectores e lectoras de marcosdaportela.blogspot.com poderán votar polos seus deseños favoritos até o día 15 de agosto, día das festas de Ordes, no que se coñecerá o gañador. O premio será un exemplar do "Catecismo do labrego" de Valentín Lamas Carvajal, director e creador da revista O Tio Marcos d´a Portela, unha botella de Cacique 500, e 100 pegatinas a cor da súa imaxe. As bases son as seguintes:

Ordessiete e a visita do Papa



Landeira de Ordessiete debe estar que non cagha. O home está en plena apoteose españolista co conto do Mundial de Fútbol, e agora o seu compañeiro Víctor Cortizo, do que xa falamos noutro post, vai ser outra vez o encargado da visita do Papa a Santiago. Paseo de Benedicto XVI que lle vai costar á Xunta (ou sexa, aos galegos e galegas) 4 millóns, dous na organización e outros dous para televisalo. E menos mal que supostamente somos un estado aconfesional...

07/07/10

O PXOM de Frades: desastre total



Grazas a outro lector do blog poidemos saber das irregularidades que presenta o PXOM do concello de Frades, liderado por Miguel Prado. No pasado 15 de abril a Secretaría Xeral de Ordenación do Territorio e Urbanismo, dependente da Consellería de Medio Ambiente, Territorio e Infraestruturas, publicou un “Informe previo á aprobación inicial do Plan Xeral de Ordenación Municipal do Concello de Frades (A Coruña)”, que dá boa conta de todas as incongruencias que presenta o PXOM de Frades.

04/07/10

Ramiro Recouso SL, con el o nacionalismo voou


Tócalle turno a Ramiro Recouso, pai político en Ordes de Gonzalo Castro. Vinculado tamén á UPG, o “histórico dirixente” do BNG local tampouco conseguiu sair da etapa do bipartito sen importantes manchas no seu expediente moral. Unha trama nas adxudicacións da xestión dos centros comarcais a Cristín, e o conseguinte protesto da CIG, púxoo no ollo do furacán.

Gonzalo Castro rexeita responder o noso cuestionario sobre a súa implicación na trama de Carrumeiro

Gonzalo Castro negouse finalmente a responder as preguntas que lle formulamos arredor da súa relación con Carrumeiro Media SL. Cada quen que saque as súas conclusións sobre isto. Publicamos integramente os correos electrónicos que nos enviou para que non haxa nada oculto. Pola nosa parte cremos que o caso está bastante claro no cuestionario que lle enviamos, e polo tanto, deixámolo zanxado, porque non vamos permitir que nos encerre neste bucle sen sentido discutindo todo o tempo o que xa é máis que evidente.

29/06/10

Corrupción en Montaos



Un correo de un lector ou lectora anónima púxonos en coñecemento un sangrante caso de corrupción que ocupara os xornais no pasado mes de marzo. Agora, gracias a este correo, sabemos que a principal líder na cacicada, Mª del Rosario García Villadangos, é veciña do Ghaliñeiro! Vive nunha casa de pedra ao lado do Bar A Curva en Santa Cruz, e relacionase moi ben coa jet set ghaliñense.

23/06/10

Audiencia Provincial obrigará a Regos a pagarlle ás orquestas do 2007



E o que tiña que pasar pasou... No 2007 Regos toma o poder no Ghaliñeiro, e métese de cheo nunha guerra para a contratación de orquestras para as festas. O anterior goberno xa tiña unhas contratadas, pero a Regos, triunfal, parecíanlle pouca cousa para o seu novo reinado. A situación foi delirante, as orquestras viñeron e tiveron que dar volta sen tocar. Gastos de desprazamento, salarios, etc... As novas, contratadas por Regos, custaron 87.200 euros. Pero as vellas, non ficaron de brazos cruzados, e puxeron unha reclamación xudicial de 48.000 euros. Agora a Audiencia Provincial da Coruña dictou sentenza, e o Ghaliñeiro terá que lle pagar 48.500 euros ás orquestras por rescinsión de contrato nas Festas Patronais do ano 2007. Regos fai aduanadas, e a que paga é a veciñanza.

País de paranoia...

22/06/10

Empresas da Cochikeira cobran 3 millóns en axudas por xerar 97 empregos que non existen



Segue mal o choio para os auxiliares do carbón en Cerceda. O programa de recolocación para os afectados polo peche da mina tería que crear 97 empregos antes de setembro, e van mal, pois aínda non se colocou a ninguén. O grave é que 9 empresas están a cobrar durante este ano máis de 3 millóns de euros en subvencións para crear 97 postos de traballo -42 deles para os afectados polo peche da mina-, que non se ven por ningunha parte.

20/06/10

Pai, fillo e espírito santo



Un pouco de memoria histórica...

18/06/10

1ª Declaración do Subcomandante Marcos da Portela



Hoxe dicimos basta!

Ao pobo de Ordes:
Irmá(n)s ordenses:

Os partidos políticos teñen un periódico que os defenda, qu’esparexa as ideas que sosteñen, que laude os seus homes ilustres e que alente á todos a manter os ideales consinados n’o seu credo. Nosoutros, gracias sean dadas a vosté, podémonos gabar de ter tamén n-o mundo d’o periodismo un periódico que fala como nosoutros falamos, que sinte o que nós sentimos e que adiviña os nosos pensamentos. O Tio Marcos d’a Portela, nº75, 1885.

14/06/10

Entrevista a Gonzalo Castro para aclarar os puntos oscuros do "asunto Carrumeiro"



En vista da polémica que está a rebrotar na rede polo asunto de Carrumeiro Media SL, pensamos que o mellor é ofrecerlle unha entrevista a Gonzalo Castro na que poda botar luz sobre os puntos oscuros deste asunto, para deixar as cousas aclaradas. A entrevista é a que sigue, e xa lle foi enviada. Agardamos a resposta.


13/06/10

Nacionalismo e localismo no Ghaliñeiro: dúas ideas pouco claras



Ordes é a terra onde todo pode ser posible. Conceptos como os de nacionalismo e localismo toman vida propia nas terras de Ordes. Os históricos do PP pasan a defender a identidade nacional galega, concelleiros do BNG pasan a gobernar con ex do PP (que agora volven a estar no PP), o alcalde (ex do PP) defende con visión nacional a promoción na Festa do Champiñón dun produto que non se dá en Ordes, “pero que desta vez é galego”; mentres o BNG lle dá perspectiva localista ao vertedoiro de SOGAMA: que antes estaba en Cerceda e non molestaba, pero que agora entra dentro dos límites da nosa nación-Ordes aos que se parece reducir o seu nacionalismo. Non sabemos se Pedreira votará no congreso do seu partido a favor de definir Galiza como nación, pero as Nuevas Generaciones do PP de Oroso xa din que son “galeguistas”. Ver para crer! pasen e vexan, o circo nacional-popular localista do Ghaliñeiro!!

12/06/10

Resposta do Subcomandante Marcos da Portela a Gonzalo Castro

Comentamos punto por punto a resposta de Gonzalo Castro ao noso blog.

Resposta de Gonzalo Castro ao artigo: "Gonzalo Henrique Castro e o escándalo de Carrumeiro Media SL"

Reproducimos o seguinte comunicado de Gonzalo Castro que nos enviou aclarando a cuestión do asunto Carrumeiro:

10/06/10

Gonzalo Henrique Castro e o escándalo de Carrumeiro Media SL



Gonzalo-Henrique Castro Prado, actual cabeza do BNG de Ordes, forma parte dunha nova xeración de cuadros da UPG, que saben combinar o marxismo-leninismo co BMW, a garabata e as gafas de pasta. Durante o goberno do bipartito viuse envolto nun escándalo económico que lle deixará moi difícil limpar a súa reputación moral. O cheiro da empresa Carrumeiro Media SL comezou a ser patente a través dunhas reportaxes no periódico Novas da Galiza, pero a castaña explotou realmente cando tempo despois El País se fixo eco da información. Nestes momentos, a cantidade de información sobre o tema é tan inxente, que nos limitaremos a dar un pequeno resumo, e deixar a disposición das persoas que queiran ampliar información unha longa lista de ligazóns.

08/06/10

Roberto González Santos patriota galego?



Segundo os principios ideolóxicos do partido de Roberto González -concelleiro do Ghaliñeiro do chiringuito mais suculento: urbanismo-, Terra Galega, este debería, entre outras cousas: “potenciar a identidade nacional de Galicia, definindo noso país como unha comunidade diferenciada que defenda os nosos intereses históricos, culturais, lingüísticos, económicos en pé de igualdade e equilibrio con outros pobos do Estado español, de Europa e do mundo”. Actúa o señor González como nacionalista galego, tal e como indican os principios do seu partido? Ou son unha mentira?

06/06/10

As pistas da parcelaria de Ordes foron feitas con area tóxica de SOGAMA extraída ilegalmente



O tema xa foi noticia o ano pasado, pero non levantou nen de certa a indignación que debería, e de feito é unha trama pouco coñecida. A empresa pública Tragsa sacou area de forma ilícita do vertedoiro que SOGAMA ten na areosa, ilegalidade denunciada pola Asociación Galega de Áridos (AGA).

Resultados da última enquisa e irregularidades



Temos xa os resultados da última enquisa, na que preguntabamos “Como se podería solucionar o problema do caciquismo en Ordes”. A opción vencedora foi “Que sexa o BNG quen tome o poder” (71 votos, o 41%), a segunda “Que o PP, que agora está na oposición, volva ao poder” (53 votos, o 30%). De todas maneiras, mais de 1 de cada 4 (48 votos, 27%) persoas que len o Subcomandante apostan por solucións que van máis alá dun partido ou outro, e prefiren “Instaurar un sistema de democracia directa, como as asembleas de parroquia”, ao que hai que xuntar 19 votos (10%) que apoian a tradicional demanda de que as listas electorais sexan abertas e os concelleiros revogables. Finalmente houbo tamén un anecdótico voto que apostaba pola continuidade do actual goberno com solución contra o caciquismo.

04/06/10

OVIGA SL ocupa terrenos e arrasa con balados e marcos no Castro coa complicidade do Ghaliñeiro



Un rogo lido no último pleno municipal polo BNG daba conta da protesta de viciños da rúa do Castro pola actuación da empresa Obras y Viales de Galicia (OVIGA SL). Esta, sen previo aviso, nen petición de permiso nen anda, entrou ocupou no pasado 5 de maio coa súa maquinaria terrenos de propiedade prividada dos viciños da zona, entre a rúa do Paraíso e o lugar do Castro, acheando o camiño.

03/06/10

Pedro Mouriño e a súa islamofobia



Unha lectora que ten acceso ao Facebook persoal de Pedro Mouriño, editor de Ordessiete, acaba de enviarnos escandalizada un correo dando conta dos comentarios que nel se verten sobre o ataque de Israel en augas internacionais á "Flota da Liberdade". Nos xa falaramos do seu sionismo noutros posts.

Co que Reghos gasta no seu regalo á “Benemérita” podería dárselle a cada ordense que estea no paro unha axuda de 2.480 euros



A Xunta acaba de publicar as cifras do paro neste rematado mes de maio (pódese consultar o documento aquí). A comarca de Ordes ten un total de 2.596 persoas no paro, e o concello de Ordes 1.057. Habería que facer as porcentaxes tendo en conta a poboación total, pero a primeira vista parece que o Ghaliñeiro presenta un dos índices máis altos do país. Os sectores máis afectados son as mulleres (hai 487 homes parados e 570 mulleres) e a mocidade. Segundo os datos que dá Galiza Nova Ordes, correspondentes a xaneiro de 2010, o Ghaliñeiro presenta un 33% máis de taxa de paro xuvenil que os outros concellos da comarca.

02/06/10

Ordessiete equivócase presumindo de ser o "líder absoluto da información local"



Danos incluso un pouco de vergoña allea escribir o que vamos escribir aquí, pero é que nolo puxeron moi a tiro. Falamos do último post triunfal do blog “oficialista” da información local en Ordes, que non é outro que Ordessiete. O post titúlase “Ordessiete cierra mayo como el segundo mes más leído de su historia”, con o autobombístico subtítulo de “Líderes absolutos en información local on line”.

01/06/10

Que opinará Pedro Mouriño, editor de Ordessiete, de que seu amigo Benjamin Netanyahu ataque barcos con axuda humanitaria?


(Foto: Pedro Mouriño con Netanyahu, primeiro ministro de Israel. Sacada do seu Facebook)

Mais razóns para non ler Ordessiete...

Como xa contamos noutra reportaxe, o editor de Ordessiete e Santiagosiete, Pedro Mouriño Uzal, é un destacado socio da AGAI, Asociación Galega de Amizade con Israel, que acaba de sacar un bochornoso comunicado xustificando que na madrugada de onte o Exército Israelí atacase dous barcos humanitarios da chamada “Frota da Liberdade”. Confirmáronse xa 10 mortos e 30 feridos, aínda que as cifras poden aumentar.

28/05/10

Nova enquisa: "Como se podería solucionar o caciquismo en Ordes?"



Nesta nosa breve marcha polas Terras de Ordes recibimos xa moitas mensaxes de apoio, pedíndonos que denunciásemos inxustizas e de colaboración. Pero tamén algunha que criticaba que só puxésemos o acento na denuncia, e non na crítica construtiva. É evidente que o importante é construir, pero nos pensamos que é imprescindible que existan mecanismos independentes como este, de control, que se especialicen na denuncia.

O Subcomandante non puido estar en Cerceda co Komando Kabuxa




O sábado pasado camaradas da Cochikeira, do Komando Kabuxa, chamáronnos para ir xunto eles ler o manifesto do XVII Festival de Cerceda. Garantíanos o anonimato e non poñerían trabas á nosa clandestinidade, permitíndonos lanzar unha arenga anticaciquil. Por desgraza vimos a súa invitación tarde e non puidemos acompañalos. Aproveitamos agora para agradecerlle en público o seu apoio á causa anticaciquil, e reproducimos o manifesto que leron, no que se fai mención ao Subcomandante Marcos da Portela.

27/05/10

Un millón de euros fundido nun pedido de Cacique 500?



Xa rematou a enquisa na que preguntabamos aos noso lectores e lectoras polo destino do millón de euros que “desapareceu” do Ghaliñeiro. Evidentemente a xente non é parva, e só unha persoa despistada escolleu a opción de “perdeuse el só”. Máis votos tiveron as opcións “Arramplou con el a Pantoja” (opción que hoxe colleu máis forza segundo as últimas noticias) e “Foron os do BNG que o roubaron para botarlle a culpa a Reghos”, con 12 e 19 votos respectivamente. A opción favorita, e polo tanto a gañadora desta enquisa, foi a de “Fundíronos nun pedido de Cacique 500” con 49 votos (o 47% dos emitidos), seguido moi de cerca pola opción “Tenos Reghos agachados no pote”, que conseguíu 44. Este foi o resultado dos 103 votos emitidos.

25/05/10

Quen está detrás de Ordessiete?



O referente da información local de Ordes na rede seguramente sexa o blog Ordessiete, cuxos responsables nos ameazaron “sutilmente”. Pero... Quen está realmente detrás deste blog, supostamente de información imparcial e apartidaria? Ultradereitistas educados nas universidades católicas dos Legionarios de Cristo, aspirantes a líderes do PP galego, sionistas partidarios do xenocidio de Palestina, xefes das Juventudes da Conferencia Episcopal Española e futuros xefes da patronal galega circulan polos postos de mando deste medio de “comunicación” ao que pasamos revista nesta ampla reportaxe.

24/05/10

Regos regálalle unha casa cuartel á Guardia Civil cos cartos do Ghaliñeiro tendo 5 millóns de débedas


Continúa a polémica pola construción do novo cuartel da garda civil en Ordes. Regos ten unha proposta de Convenio co Ministerio de Interior de España para a construción do cuartel da garda civil que obriga ao concello a custear a redacción dos proxectos básicos e de execución e o pagamento das obras da construción. Ademais, tamén lle cede gratuitamente o baixo que actualmente ocupan os que “van de verde” na rúa República Arxentina mentras non se remate o novo cuartel. O Ministerio comprométese a devolverlle ao concello o importe das obras no 2013, pero non o custe da redacción dos proxectos.

20/05/10

Cobran "gastos de preselección" aos aspirantes a traballar no Parque Acuático da Cochikeira




Un lector amigo enviounos información valiosa sobre outro caso de caciquismo rampante na Cochikeira. Este lector cóntanos como a través de Radio Cerceda soubo dun anuncio do Concello de Cercada no que se oferecían dous postos de traballo; alí foi coa súa muller para preguntar polo traballo para porteiro/a ou caixeiro/a do Parque Acuático de Cerceda, e levaron dúas solicitudes para cubrilas na casa.

18/05/10

Regos, Mirás e Liñares copan o podium da enquisa “Quen é o máis cacique da comarca de Ordes?”



Con 140 votos emitidos, a enquisa do Subcomandante Marcos da Portela deu os seguintes resultados á pregunta “Quen é o máis cacique da comarca de Ordes?” (na que estaban todos os alcaldes como candidatos):