Regos pedirá un préstamo de 2,2 millóns para pagarlle o cuarteliño á Guardia Civil

Insistimos, e moito, no tema da casa cuartel neste blog . En internet 260 persoas apoian a nosa reivindicación “En contra de que o concello de Ordes lle regale un cuartel á Guardia Civil”, e o BNG mesmo retou no pleno a Regos a que fixese un referendo para ver se queríamos o cuartel en Ordes. Segundo os nosos cálculos nese momento, os cartos que van fundir en regalarlle o cuartel ao Ministerio de Interior daban para darlle a cada ordense no paro unha axuda nada despreciable de 2.480 euros .

Pois agora enterámonos polo panfleto Tierras de Santiago que a cousa xa está finiquitado. En total, a xente de Ordes perderemos 2,2 millóns dos nosos petos para pagarlle o cuartel “aos do Betis”. Por se fora pouco, haberá que cometer irregularidades urbanísticas para construir o edificio (entre as rúas Mestre Nicolás e a rúa Concello de Frades), e aínda por riba (saltando a orde do goberno) pedir un préstamo para xuntar os cartos! Incrible! Aínda que supostamente, no 2013 nos devolverá o Goberno de España os cartos: é dicir, Regos está hipotecando economicamente unha lexislatura máis.
O audaz alcalde...
Nas negociacións dos alcaldes con outras institucións (Deputación, Xunta, Goberno de España, etc.) normalmente o que se pretende é conseguir as máximas inversións das mesmas, é dicir, que solten a ghaliña, que poñan cartos. Neste caso é o mundo ao revés, un pequeno concello galego, en crise ata as cachas (com 5 millóns de débedas), ponlle un local novo á Guardia Civil (0,5 millóns de euros), o cal é competencia do Ministerio de Interior (olé!), regálalle un terreno municipal (non sabemos o que costa), e pide un préstamo por 2,2 millóns de euros para construirlle o Cuartel! E aínda así, Regos ten narices a dicir que fixo unha gran negociación, e “móstrase satisfeito co acordo alcanzado en Madrid”. E aínda máis!, o tipo di: “La verdad es que hay que agradecer al Ministerio del Interior que, en estos momentos de crisis, haya firmado este protocolo”. Si, realmente ten mérito que o Ministerio acepte en tempos de crise un regalo millonario dun concello! E aínda llo hai que agradecer!

Evidentemente Regos, aínda que nos queira facer parvos, non é el parvo. Que gorentoso pastel se agacha detrás desta manobra? Onde está o gato encerrado? E en que está a pensar a oposición?

Enquisa

Na última enquisa do noso blog, as lectoras e lectores falaron claro sobre o que opinan deste regalo de Regos:

-1 despistado lector (Regos?) dixo que lle parece bem, que os da “Benemérita” bem o merecen.

-2 lectores/as (3%) opina que se lle deben dar os 2 millóns á xente que está no paro.

-4 lectores/as pensan que é unha falta de respeto ao pobo.

-16 suxiren que o cuartel llo regale Regos cos cartos do seu peto.

-34 lectores/as (un contundente 59%) pensa sinxelamente “Á Guardia Civil? Que se vaian!”.

Nós somos da mesma idea.