Simboloxía fascista no Ghaliñeiro

Hai lectores que levan tempo a pedirnos que tratemos o tema da simboloxía franquista en Ordes, e que mellor ocasión que agora que Ordessiete publica unha entrada sobre o Soldado Lois.



Parece que a dereita vai ao Soldado Lois como as moscas ao mel. A noticia presenta o habitual ton autobombístico da páxina oficial do caciquismo local, que se atribue heroicamente que “Ordessiete consigue acceder al informe oficial...” etc., cando ese documento é a terceira ou cuarta entrada que aparece no google ao poñer “Soldado Lois”... Outra das entradas que aparece nobuscador, por certo, é un vídeo gravado por Mario Mouriño, redactor do blog falemosdeordes.blogspot.com, yosoydelpp.blogspot.com, e outros polo estilo, patriota español que no balcón do seu edificio -enfrente ao Ghaliñeiro- hiza unha monumental rojigualda.

Para que non haxa confusións, copiamos aquí o apartado da Lei da Memoria Histórica que demostra que non só é inmoral, senón tamén ilegal, a abundante presenza de simbolos fascistas en Ordes:

Ley de la memoria histórica. LEY 52/2007, de 26 de diciembre Artículo 15. Símbolos y monumentos públicos.
1.Las Administraciones públicas, en el ejercicio de sus competencias, tomarán las medidas oportunas para la retirada de escudos, insignias, placas y otros objetos o menciones conmemorativas de exaltación, personal o colectiva, de la sublevación militar, de la Guerra Civil y de la represión de la Dictadura. Entre estas medidas podrá incluirse la retirada de subvenciones o ayudas públicas.
2.Lo previsto en el apartado anterior no será de aplicación cuando las menciones sean de estricto recuerdo privado, sin exaltación de los enfrentados, o cuando concurran razones artísticas, arquitectónicas o artístico-religiosas protegidas por la ley.
3.El Gobierno colaborará con las Comunidades Autónomas y las Entidades Locales en la elaboración de un catálogo de vestigios relativos a la Guerra Civil y la Dictadura a los efectos previstos en el apartado anterior.
4.Las Administraciones públicas podrán retirar subvenciones o ayudas a los propietarios privados que no actúen del modo previsto en el apartado 1 de este artículo.
http://leymemoria.mjusticia.es/paginas/es/ley_memoria.html

Conforme esta lei o Ghaliñeiro ten a obriga de mudar varias cousas no concello: cambiar o nome da Alameda “do Soldado Lois” e o monolito que hai na mesma; eliminar o mausoleo que hai no cemiterio do Piñeiro, tamén dedicado ao Soldado Lois; e cambiar o nove da Avenida “de Alfonso Senra”.

Desde a morte de Franco houbo varias propostas en Ordes sobre este tema: a Associaçom Reintegracionista de Ordes propuxo cambiar o nome das rúas, Manuel Astray Rivas -pai de Nel Astray- denunciou no seu libro “Síndrome del 36: la IV agrupación del Ejército Guerrillero de Galicia” publicado en 1992, que o mausoleo ao Soldado Lois estaba construido enriba das fosas comúns onde os falanxistas fusilaran e enterraran a republicanos, e o BNG presentou varias mocións para retirar a simboloxía franquista das rúas de Ordes. Obradoiro da Historia, e sobre todo o historiador da mesma Manuel Pazos axudaron moito a coñecer e denunciar estes atropelos á memoria histórica. Estas propostas sempre foron desestimadas, ata que -hai que recoñecerllo- Regos chegou ao goberno, eliminando cousas tan graver como “Calle del General Mola”, “Avenida del Generalísimo”, etc., que ofenden a calquera persoa cun mínimo de sensibilidade democrática.

Despois desta peneira que se conseguiu co goberno de Reghos, parece que aínda quedou algún residuo de simboloxía franquista no Ghaliñeiro. A Asociación Cultural Foucellas pediulle ao concello que non participase na homenaxe ao Soldado Lois sen moito éxito, respondendo simplemente Regos no Xornal de Galicia que “Ordes non apoia o franquismo”, e non se sabe en que acabou o conto, pero o certo é que da homenaxe do ano pasado non se fixo nota de prensa. Esta mesma asociación ordense criticou tamén que a principal rúa de Ordes leve o nome do represor franquista Alfonso Senra, incumprindo a Lei da Memoria Histórica.

Queremos contribuir a este debate pedíndovos que nos informedes dos lugares da comarca onde aínda hai restos de simboloxía franquista.