O pasado venres 200 policías en Ordes non foron capaces de deter á Pantoja por “blanqueo” de 3,5 millóns de euros

Parece que foi Dios. Só cinco dias despois de que a Pantoja viñera afuciñar ao Campo da Feira a fiscalía anticorrupción pídelle tres anos e medio de vacacións no caldeiro por blanquear cartos. Agora se entende que o concello, con unha débeda que pasou de 2 millóns a 4 nun ano, fixera semellante gasto para meter na vila un “dispositivo de seguridade” de máis de 200 persoas entre policías, os do Betis (que do tema do blanqueo tamén che entenden) a protección civil e un posto avanzado de videovixilancia. Normal! Pois había moito delincuente solto por Ordes ese día. E tamén tivo sorte Regos, que con tanto control policial non lle fixeran soplar, porque polo que dixo na radio, parece que ia un pouco “perxudicado” polo que se pode deducir das súas declaracións á radio (escoitar no 3:05: http://www.crtvg.es/rg/acarta.asp?Mdia=5&canal=radio) e do seu espectacular e bambaleante discurso dicindo que "vamos a sair da crise todos xuntos e coa Panorama”.


Non, o panorama si que é bo:

1) O concello está endeudado até o pescozo, fálase de 4 millóns de euros. Xusto nesta semana tanto o PP como o BNG protestaron polo tema.

2) Entón faise unha españolada en Ordes. Iso si, disfrazada de “solidaria” contra o cancro.

3) Nela canta un dos símbolos da España cañí, a Pantoja, que é acusada cinco días despois por blanqueo de diñeiro.

4) Móntase un dispositivo de seguridade totalmente desproporcionado que, por suposto, haberá que pagar…

5) Os políticos, casta privilexiada, disfruta na zona VIP, dalle que te pego ao tinto, e aínda se atreven a facer declaracións á radio nun estado lamentable.

6) Para acabar recaudando 22.000 euros “contra o cancro”. Nen que dicir ten, que se debeu de gastar tres veces máis en montar o tinglado… Pero todos contentos: o noso xefe da tribo dando un exemplo penoso (despois queixarémonos de que a rapazada se emborrache os sábados...), a Panorama coa super-promoción do seu novo espectáculo de balde (ou sexa, pagada polos viciños e viciñas de Ordes) e traballo para as “forzas de seguridade”. Circo para o pobo...