Resposta do Subcomandante Marcos da Portela a Gonzalo Castro

Comentamos punto por punto a resposta de Gonzalo Castro ao noso blog.

“Respeito á información difundida por este blog o pasado 10 de xuño de 2010, titulada “Gonzalo Henrique Castro e o escándalo de Carrumeiro Media, S.L.”, temos que decir que cando Gonzalo Castro afirmou en xuño de 2009 a La Voz de Galicia que non tiña ningunha acción nin participación en ningunha empresa que contratase coa Administración pública, estaba a dicir a verdade, xa que Gonzalo Castro desprendeuse das accións que tiña en Carrumeiro Media o 13 de abril de 2007, en escritura pública suscrita ante o notario de Santiago, Álvaro Moure Goyanes. Por outra banda, con respecto a este asunto, reproducimos o seguinte comunicado de Gonzalo Castro, aclarando a cuestión:”

Sobre isto temos que dicir que, efectivamente, Gonzalo Castro non mentíu nesa parte das súas declaracións a La Voz de Galicia do 13 de xuño de 2009. Non mentiría, pero desviou a atención non dicindo toda a verdade. Nós dixemos: “Temos que dicir que é absolutamente falso que Hernique-Gonzalo Castro Prado non teña nada que ver coa empresa Carrumeiro Media SL”, o cal é totalmente certo pois tivo accións na mesma até 2007 (polas súas propias palabras), e até 2009 non se rexistra no BOE o seu cese/dimisión como conselleiro da mesma. E pouco máis abaixo recóllense outras declaracións de Gonzalo Castro: «non teño nada que ver con esa suposta empresa», o cal é rotundamente falso.


Gonzalo Castro di que pon á nosa disposición o documento suscrito ante notario, pero que non nolo pode pasar por aparecer nomes de terceiros. Nós propoñémoslle que fotocopie o documento, oculte debidamente os nomes de terceiros, e nolo envíe escaneado para poder publicalo neste mesmo post.

"1º) Todas e cada unha das miñas declaracións públicas e privadas, en relación coa empresa chamada Carrumeiro, son certas, por se tratar dun compromiso ético e persoal o de dicir sempre a verdade."

Isto é pura tautoloxía. As verdades de Gonzalo Castro foron calculadas, xogando sempre a dicir medias verdades e ocultando datos relevantes sobre a súa relación coa empresa.

"2º) As declaracións públicas feitas nun medio de comunicación en xuño de 2009, nas que afirmei: “Estas acusacións son rotundamente falsas, xa que eu non teño acción algunha nin participación en ningunha empresa que contrate coa Administración pública”, son absolutamente veraces, ratificándome absolutamente no dito e reiterando hoxe as mesmas afirmacións que fixen aquel día."

Repetimos o mesmo, Gonzalo Castro está a dicir unha media verdade. Pois tanto tivo accións, como foi conselleiro de Carrumeiro Media cando o bipartito chegou ao poder e comezou a facturar cifras altísimas, cando até o momento a súa actividade económica fora practicamente nula, o que demostra que a súa capacidade empresarial foi a dunha empresa que funcionou exclusivamente para atender encargos da administración pública, cando nesta gobernaban persoas da UPG, que mesmo no pasado foran administradoras da propia empresa.

Por certo señor Castro, nese mesmo media dixo vostede (copiamos textualmente): «non teño nada que ver con esa suposta empresa» [...] «estas acusacións demostran que o PP está moi preocupado coa alternativa de goberno que representa o BNG en Ordes e por iso trata de desprestixialo diante da opinión pública con acusacións falsas»." Está novamente a facer xoguiños de palabras pouco honestos? Di vostede "non teño nada que ver con esa suposta empresa" pero foi accionista e conselleiro da mesma, como que "non teño nada que ver"? A segunda parte é outro intento de desviar a atención dirixindo a polémica contra o PP.

3º) A miña participación na empresa chamada Carrumeiro deixou de existir o 13 de abril de 2007, xa que nesa data procedín á venda das miñas accións, tal como consta en documentos públicos asinados ante o notario de Santiago, Álvaro Moure Goyanes. O feito de que por parte dos administradores da empresa non se rexistrase a escritura no rexistro da propiedade até moito despois é unha anomalía en absoluto imputábel á miña vontade, xa que desde a data reseñada eu non formaba parte da citada empresa.

Nós atémonos á documentación oficial que temos dispoñible, que non é outra que a do Boletín Oficial do Estado, nº 144, do 31 de xullo de 2009. Esta di:

338478 - CARRUMEIRO MEDIA SA(R.M. SANTIAGO DE COMPOSTELA).
Ceses/Dimisiones. Consejero: VILAS CASTRO ALEIXO;CASTRO PRADO GONZALO HENRIQUE. Datos registrales. T 58 , F 104,S 8, H SC 27705, I/A 7 (20.07.09).

Polo que indica, claramente, que o cese/dimisión de Gonzalo Castro en Carrumeiro Media se producíu no 20 de xullo de 2009. Gonzalo Castro dí que a súa participación con Carrumeiro deixou de existir o 13 de abril de 2007 cando vendeu as súas accións. Pode que non tivese xa accións, máis até 20 de xullo de 2009 aparece como consellerio de dita empresa. Nós preguntámoslle desde aquí a Gonzalo Castro, vostede no 13 de abril de 2007 deixou de ser conselleiro de Carrumeiro Media? Ou simplemente vendeu as súas accións? Se o seu cese/dimisión é de 2007, como permitíu que até xullo de 2009 a empresa non o fixera oficial no BOE, con a conseguinte polémica que se creou? E se só vendeu as súas accións, pero seguíu de conselleiro, sigue vostede xogando con medias verdades.

"4º) Sempre tiven e terei como prioritario e fundamental actuar con escrupuloso respecto aos principios éticos, por iso desvinculeime da citada empresa antes das eleccións municipais de 2007 e, por tanto, antes de que accedese ao cargo público de concelleiro e Portavoz Municipal do BNG en Ordes, malia que non tiña ningunha obriga legal de facelo, xa que a citada empresa non tiña contratos co Concello de Ordes e, por tanto, non existia ningunha incompatibilidade legal para que poidese seguir participando dela e ser ao mesmo tempo concelleiro en Ordes, mais, ainda así, decidín deixar a empresa antes das eleccións municipais porque considero que o exercicio dun cargo público debe vir acompañado dun escrupuloso e ríxido respecto ás normas máis esenciais da ética, así como polo meu compromiso e respecto aos veciños e veciñas de Ordes."

Vostede di: “Sempre tiven e terei como prioritario e fundamental actuar con escrupuloso respecto aos principios éticos, por iso desvinculeime da citada empresa antes das eleccións municipais de 2007”. Entón era ético antes de 2007 estar en Carrumeiro Media? Por que antes si e despois non?

O que está fora de toda dúbida é que Gonzalo Castro, voceiro do BNG de Ordes e militante comunista da UPG, tivo accións e foi conselleiro de Carrumeiro Media, cando o bipartito gobernaba na Xunta, multiplicando espectacularmente a súa facturación. Podería ser que Gonzalo Castro asinase a súa dimisión no 2007, para mantela na “neveira” e poder sacala no momento oportuno, esperando até o último momento? Ou foi casualidade que se fixera oficial a dimisión no BOE, xusto despois de que se vise obrigado a dar explicacións en La Voz de Galicia tras estourar publicamente o escándalo?