1,7 millóns en obras municipais de Trazo adxudicadas a dedo a Excavaciones Cernandas Valiña

Gran cacicada a de José Dafonte, alcalde de Trazo e militante do PP. Os veciños terán que pagar dos seus petos as sancións impostas a Dafonte polas súas aduanadas. A última foi pagarlle 26.058,08 euros á empresa adxudicatoria das obras de construción do gradería do campo de fútbol de Campo antes de que os traballos estiveran iniciados. A adxudicación producírase hai un ano, a Gestal y López SL. A grada ademais, foi construída sen proxecto técnico, o cal é un grave risco para a seguridade das instalacións. A Deputación financiaba o 71% da obra.

Despois das acusacións do grupo “socialista”, a Fiscalía provincial abriu dilixencias por malversación de fondos, (art. 432 do Código Penal), remite a denuncia ao Xulgado de Guarda da Coruña, quen o adxudicou ao Xulgado de Instrución nº 1 de Ordes. A resposta de Dafonte: “eu non sei nada”, “So podo dicir que a obra está feita e que dá servizo ao público que acode ao campo de fútbol dende hai uns dez meses”. O PSOE pide a dimisión, pero Dafonte di que se trataba dunha “obra menor”.

Agora a Deputación xa impuxo unha doble sanción, cuxa cuantía está aínda por determinar. O que está determinado xa é quen terá que pagar: como sempre, os veciños cargarán cos pratos rotos do seu cacique. Así é que os “socialistas” piden que Dafonte «pague a cuantía da multa do seu propio peto xa que os veciños non teñen que andar pagando cos seus cartos as irregularidades do seu alcalde».

1,7 millóns en adxudicacións a dedo

Desde 2004 José Dafonte leva adxudicando todas as obras municipais a dedo á empresa Excavaciones Cernadas Valiña, con domicilio social na rúa Castelao nº 3 de Vimianzo.