Ordes, a túa cidade de vacacións

Canto lle traballa a cabeciña a Regos. Agora meteu o Ghaliñeiro no Programa European Twinning, creado polo Consello e Municipios e Rexións de Europa (CEMR) para que municipios europeos se irmanden, e pretende facerlle crer en Polonia, Italia e Lituania, que Ordes é famoso por o deporte da vela e os seus museos e galerías de arte...



A incripción que cubriron é tan mentireira que ata Ordessiete se dou conta, e xa Ramiro Recouso ironizou en público sobre o tema. Ordes prefire irmandarse con un concello de Italia, Lituania ou Polonia, e para comunicarse com eles prefire os seguintes idiomais: inglés, italiano, e español, que como todo o mundo sabe, é “la lengua común” de galegos con lituanos e polacos. A traca final chega no apartado “O seu municipio é coñecido polas suas”, onde cada concello intenta venderse o mellor que pode. Para a nosa sorpresa, Regos destaca de Ordes os seus museos e galerías de artes (sic) e actividades ao aire libre como a vela (sic), ou a vida nocturna e o turismo (sic).

Tendo paseo marítimo non parece tan descabezado pensar que podamos ser famosos polo deporta de vela... O que si, recomendámoslle a Regos que se deixe de caralladas e empregue este vídeo para promocionar o concello, xa que se atén moito máis á realidade, e non engaña ninguén: