Dicionario caciquil: Nel Astray

Seguimos cos deberes que nos marcamos na nosa volta, e desta vez tócalle repaso a Nel Astray, segundo algúns, o autor deste blog.

Nel Astray Mariño é fillo de Manuel Astray Rivas, coñecido avogado de Ordes e historiador local afeccionado. Nel Astray foi militante socialista toda a vida, nunha época no que iso de “socialista” xa significaba outra cousa... En realidade tivo unha época comunista, ardores de xuventude que lle chaman. Astray liderou grandes loitas políticas, nas que o obxectivo foi sempre os seus intereses persoais. Cando Esther Couto era a candidata do PSOE en Ordes (outra da que haberá que falar un día), Astray era o secretario xeral. A relación entre eles era pésima, e marcou un importante capítulo na historia do PSOE de Ordes, que ben podería servir de guión para un culebrón televisivo.

Un dos momentos de “gloria” de Astray foi nas últimas eleccións municipais, onde incorporou o seu nome a unha extensa lista de tránsfugas locais. O home, despois de decidir afastarse do PSOE pola sua mala relación com Couto, foi “fichado” a última hora por Juan Simón, outro freelancer da política galega que usou siglas ao seu antollo para defender os seus intereses profesionais como médico. Pero agora vamos falar de Nel, que o de Juan Simón é outra historia. Nel incorporouse como 2º á lista de “Nova Alternativa” -que de “nova” pouco tiña, e de “alternativa” menos. Ata aquí todo medianamente normal, tendo en conta que falamos de Ordes. Pero chegadas as eleccións, NA consigue dous concelleiros, e non lle faltou tempo a Nel Astray para no primeiro pleno romper coa efémera disciplina de partido e integrarse no goberno. Dito de outro xeito: tivo a cara dura de que a xente de NA lle fixese campaña, para nada máis conseguir o seu posto traizoalos.

E é que o político ordense é ávido de poder, e corto en vergoñas. O “socialista” de afamada vida nocturna axiña se acostumou a gobernar, e ir da man do seu antigo super-inimigo Regos. Dá gusto velo na homenaxe pro-franquista ao Soldado Lois, xusto onde seu pai escribiu que estaba enterrados os republicanos fusilados no 36. Dese socialismo clásico ao novo PSOE da movida madrileña, verdade Nel?